أولاً الحمدالله على سلامتي فقد أخذة نصيب الأسد من سفراتي لهذا الصبف (تعمرة و تسيحة ) ولله الفضل و المنه:)
ثانياً:
بسم الله الرحمن الرحيم...
اليوم صيصيب مدونتي الغاليه بعض الكلمات العاميه فلا داعي للإستغراب.. لأن الموضوع (يبط الجبد )
كنت في يوم من الأيام جالسه بمجلس و كان المجلس (مجلس أمهات ) أي الجميع (تقريباَ) من كبار السن و جلسوا يتحدثون و و و ..
شد سمعي موضوع عن المستشفيات .. تقول ( كنت حيل مريضه و رحت الطبيب و من كثر ما أنا مريضه ما قدرت أمشي ف حطوني في كرسي متحرك و قعدت أنطر الطبيب و صارلي فوق الساعه و محد عطاني ويه و الحمدالله كانت خدامتي معاي جان تقول شنو هذا ماما وين طبيب؟؟ طبيب هندي يروح بس حق هندي و طبيب سوري بس حق ماما سوري؟؟ والله حتى أنا انصدمت تقول بالضبط الوضع جذي الطبيب الهندي إذا شاف هنديه ركض و شخصها و عطاها أحسن الأدويه)
* و إحنا لو بنموت يعطونه بندول و يقولج (حبه وحده و ثنتيت عند اللزوم) يعني بالمعنى الفصيح ماأبي أشوف رقعة ويهج!
المهم اندمجت مع القصه و صدقتها ( لأن مو كل قصص العيايز تتصدق) بس ما توقعنها تحر لهدرجه لم صار موقف معاي!
كنا رايحين المطار أنا و أختي نبي نقص تذاكر و رحنا و قلناله نبي تذاكر جان يقولي (و أهوا موكويتي) قال لنا الكاونتر مصكر بعد نص ساعه و قعدنا ننطر يم الكاونتر و فجأه ياه واحد نفس جنسيته جان يفتج له!!!
أناو أختي:
قلناله إحنا قبله ننطر جان يقولنا بعد ما قتحنا !!
أنا نعم!!
شنو عبالهم أغبيه لهدرجه!!
وايد مواقف تصير من هذا النوع و أكبر موقف موقف أمي ( الله يحفظها ) مره كان فيها حصوه و قالولها تبين نشيلنها بالليزر؟؟ أول شي خافت بس بعدين أقتنعت و راحت و لمن دشت و قعدوا يسولها قامت الدكتوره تطقق دقم جان أمي تسمع صوت الطبيب يقول لها لا لأ مش كده!!
طلعة اللي قاعد تسويلها (متدربه) و الطبيب ( يتفرج) الظاهر عبالهم فيران مو أوادم اللي جدامهم!! و عقب ضيعوا ملف أمي الطبي و يقولون ماندري وينه (عشان ماينفظحون)
منو بيده كل هذا..؟؟
منو نحاسب؟؟
منو المسؤول؟؟
أرواح ناس يلعبون فيها عبالهم ألعاب!!
و المشكله في ديرتنا و قام نتعامل أردى من معاملة العماله!!ليش؟
مانقول إلا حسبي الله و نعم الوكيــــل و هذي الكويــــــــت و صل عالى النبي!
ودمتم بود:)
ur sis
هناك 4 تعليقات:
اسلوب الكتابه مشوق
بصراحه اتوقع ان هالمدونه راح يكون لها مستقبل باهر>>> بإذنه سبحانه
هذولي اشتغلوا بالواسطات لربعهم وبديرتنا احنا !!!
صج شي يحر ويقهر!!
بس المشكله فينا احنا !!
شبابنا وشاباتنا يتعففون من اي شغله ويبيون شغلهم لزم فيه راحه ومعاش كبير وما يحبون يبذلون مجهود بأي عمل!!
يعني لو تكون الوظايف كلها لشبابنا جان صارت امورنا احسن وفلوسنا ترجع لنا ودهنا في مكبتنا!!
احسن من اننا نعطي هدايا وملايين للدول ومواطنين هالدول يشتغلون عندنا ومعاشاتهم تروح لديرتهم.. يعني نمولهم من الجهتين!!
سو سوري ع الاطاله بس صج صج الموضوع يقهر..
والله صاجه
شكثر مواقف جذي تبط الجبد
أنا أحس المشكله من الحكومه يعني أنا أعرف شكثر (كويتين ) يتخرجون من الجامعه و يقعدون ماكو شغل لأن ماعنده واسطه,, شالمصخره!!؟؟
عجبني الموضوع و لي عوده:)
أسلوب مشوق أدمنته:)
woooow welcome back
miss u 7deeeeee
ygolon mn 6wl al'3eebah yab al'3naym 3ad ma ashoof '3naym:P
la al9ra7a mw'9Oo3ch 9iij flaaah
tra abe pic mn sfrtch:p
3sa istanste??
wallah lch w7sha balblog:D
mm shoofe al9ara7a shay yghr y3ne 9iij fe dertna w chna '3Ooraabaaa2 ma 3jbne alw'93
w tben al9iij ma adre mno alms2ool coz a7s kl wa7d lah ms2oolyah balmw'9oo3
shlon ?? ana agolch
y3ne ana 3lay ms2oolyat ine abl'3 w albaje 3lehom y3ne al7komah almskena ma tdre eb kl shay w e7na gam nshof ashya2 jdamna w '3l6 f bs inbl'3 adre ymkn ma yswoon shai bs (ma 3la alrsol ela albla'3)
nice post i like it:D
new one
أعجبني مرورك أخيتي جوزيتي خيراً و الله يسمع منج:)
الواحد اللي ماعنده واسطه ما يمشي..
الظاهر بالمستقبل بدل لا يكتبون ن متطلبات العمل ( شهاده بكلوريوس ) يكتبون ( واسطه معتمده عالمياً) :p
بالضبط دهنا في مكبتنا:(
2 (غير معروف )
شكراً على المرور ..
و أسعدني أن حروف حازة على إعجابك:)
3 (u know me )
woow me miss u
ha weench ma tbynen??
inshAllah mn @@ awl ma af'9a anzl l.pic spiceal 4 u:)
wnstene eb mrorch w la tga63en:P
c u soon:)
p.s 7yaaach betna fa'9e :p
thanks all
ur sis
إرسال تعليق